هو : دكتور أنا عندي اكتئاب ...

هو : دكتور أنا عندي اكتئاب وعاوزك تعالجني
أنا : أنا مش بعالج وماليش في العلاج خالص، عاوز تتعالج روح للطبيب فأنا لست طبيب

هو : يعني إيه ؟
أنا : يعني أنا شغلتي معلومات فقط، تدريبات، محاضرات، إزاي تحط أهدافك، ازاي تعيش سعيد مستمتع، ازاي تبقى غني مرتاح، ازاي تذاكر كويس، ازاي تتعامل مع الناس صح، ازاي تختار شريك حياتك، ازاي تنسف التعلق وتكون حر من غير قيود، ازاي تكون هادي ورايق ، ازاي تقضي على الملل في حياتك، ازاي تستخدم أفكارك لتقلل جهدك وتعبك في الحياة، ازاي تعرف إنتا عايش ليه وعشان تعمل إيه وتعرف رسالتك في الحياة، ازاي تخلي حياتك جنة بكل معنى الكلمة، يعني أنا عليا 50% وإنت كمان عليك 50% . ولازم تكون فاهم كده كويس ، ولو ماعملتش اللي عليك مش هيحصل تحسن في حياتك.

هو : يعني انت مش بتدي دوا ولا بتعالج ؟
أنا : ولا ليا أي علاقة بالأدوية نهائي ولا أتعامل بها . أنا أقدم معلومات فقط ، ممكن تاخدها من التليفزيون أو من الكورسات أو السيديهات المسجلة، ومن على الموقع على الإنترنت أو من المقالات ، ونسبة تحسنك بحسب نسبة تطبيقك لها. إن كنت تريد غير ذلك فأنا الشخص الخطأ بالنسبة لك émoticône smile

هو : بس انت استشاري صحة نفسية
أنا : طبعا ولست استشاري علاج نفسي ،، فرق كبير بين الصحة والعلاج، فما يجعل الجسد سوي سليم يسمى صحة جسدية، وممكن يوصلك للصحة الجسدية مدرب جيم أو رياضي خبير بتمارين الصحة الجسدية، وما يجعل النفس سوية سليمة يسمى صحة نفسية وما يجعل العقل يفكر بصورة جيدة يسمى صحة عقلية وما يجعلك تقوم بعملية الإخراج بصورة نظيفة معقمة يسمى أدوات صحية émoticône smile لذا كل ما يؤدي للسواء بصورة طبيعية يسمى صحة وشفاء، وكل ما يؤدي لإزالة الأعراض يسمى علاج والأخيرة دي أنا ماليش فيها émoticône smile

هو : وهي المعلومات دي ممكن تعالجني
أنا : قلت لك مافيش حاجة عندي اسمها علاج، مفيش معلومات بتعالج، لكن في أدوية بتعالج وفي مستشفيات بتعالج وفي عمليات جراحية بتعالج ،أكرر : العلاج يعني إزالة الأعراض أو إيقافها أو التدخل لاستئصالها، المعلومات توصلك للشيء اللي غيابه عمل ليك الأعراض . لذا هي مفيدة أكثر في الوقاية ولكل الناس.

هو : مش فاهم ، عاوز توضيح أكتر
أنا : طالب مثلا مش عارف يذاكر، الكتب كتيرة عليه، وقت الامتحان قرب، بدأ يخاف ويقلق، مش عارف يركز ، مش عارف يحفز نفسه على المذاكرة، مش عارف يستمر على الخطة التي يضعها، ويتوتر ويحبط ويحس إنه هيرسب في النهاية . دا ممكن ياخد دواء يهدء هذه الأعراض ، وممكن يعرف ازاي يذاكر بسهولة ويحفظ المعلومات أسرع وفي وقت قصير، وازاي يحفز نفسه ويكون مستمتع وهو بيذاكر وازاي يستمر على الخطة التي وضعها منذ بداية العام، ولو عمل كده كل الأعراض هتختفي . ودا دوري أنا ودور المؤسسة أن تقدم له هذه المعلومات émoticône smile

مثال آخر : كثرة الضغط النفسي والتوتر وعدم معرفة التعامل مع الحياة وضغوطاتها يؤدي إلى لخبطة في ضغط الدم وفي القلب ويؤدي إلى أعراض آلام القولون، الطبيب يعطيك أدوية تضبط ضربات القلب وتضبط الضغط وتهدئ آلام القولون، وهذا كلام رائع، لكن لو لم تتعلم كيف تهدأ وتكون رايق وتتعامل مع الحياة بذكاء كي لا تؤثر عليك ستظل أسير هذه الأدوية مدى الحياة. ولو كنت تعرف هذه المعلومات لما جاءت هذه الأعراض من الأساس . لأن هذه الأعراض هي غياب الهدوء والاسترخاء والاستمتاع، فلو عرفت كيف تصل إليهم لن تحدث لك أعراض الضغط ولا القولون.

هو : آه كده فهمت
أنا : عشان كده أي حد بيقول لي أنا تعبان أنا مريض أنا عاوز أتعالج بقول له : مكانك مش عندي ،، لما تحدد إنتا عايز توصل لإيه تعالى هتلاقي عندي معلومات توصلك للي انتا عايزه، وأكيد لما توصل للي انتا عايزه الأعراض دي هتختفي من عندك émoticône smile

هو : يعني إنتوا كده والأطباء مكملين لبعض
أنا : أيوة وماينفعش حد يستغنى عن أي حد في الطرفين . لأن كل شخص بحسب حالته ، فالطبيب مثلا مش هيقعد معاك ساعة ولا خمس ساعات يديك معلومات وأنا مش هديلك دوا ولا ليا أي علاقة بيه . وبكده تكتمل المعادلة

هو : فعلا أنا لو كنت أعرف ازاي أحقق أهدافي ماكنتش تعبت أصلا
أنا : أيوا ، وعشان كده أنا تقريبا باسافر بمعدل دولة كل خمسة أيام كي أنشر هذه الثقافة وهذه المعلومات، بمعرفتك للمعلومات وتحقيقك لها تحم نفسك من أمراااااض كثيرة

هو : امال يعني إيه العلاج بالطاقة دا ؟
أنا : المرة الجاية هقول لك بروقان émoticône smile

أي مشكلة في الدنيا سببها شيئين لا ثالث لهما : 1- نقص معلومات : أي لا تعرف كيف تصل لما تريد، 2- معلومات مغلوطة : أي تظن أن الموضوع صعب وإن لا مخرج أو أن الحياة صعبة ومافيش حلول . وبهذين السببين يقع الناس أسرى مختلف مشكلات الحياة، دوري أن أبين لك هذه المعلومات وعليك أنت التطبيق .. أنت السبب .. اختر

أحمد عمارة
أبو ظبي - الإمارات العربية المتحدة
14-03-2015